Мамлекеттик "Асман аба каттамдары" авиакомпаниясынын Кыргызстанга алып келе турган учагын Канадада учуруп көрүп, самолет сыноодон ийгиликтүү өттү. Бул тууралуу "Манас" эл аралык аэропортунан кабарлашты.
Сөз болуп жаткан "Bombardier Dash Q8-400" үлгүсүндөгү аба кемеси Канаданын заводунда чыгарылган. Ал жакта учакты учуруп көргөндөн кийин самолет коопсуздуктун жогорку стандарттарына жана техникалык мүнөздөмөлөрүнө ылайык келе турганы ырасталды. "Bombardier Dash Q8-400" үлгүсүндөгү учак жакынкы күндөрү келет. Ал өлкөгө алып келинери менен облус аралык авиакаттамдардын негизинде аймактарга уча баштайт.
Google Play
App Store