"Чакан ГЭС" ачык акционердик коомуна таандык Кичи ГЭСинде күз-кышкы мезгилге даярдык көрүү жана гидротурбиналык жабдыктардын иштешин жакшыртуу максатында капиталдуу ремонт жүргүзүлүп жатат. Учурда айлантманын бычакчаларын жана лабиринттик мөөрдүн моюнчаларын ширетүү иштери, Г-2 статорунун оролмолорун чечүү жана обочолорун толук алмаштыруу иштери аткарылды.
Белгилесек, Кичи ГЭС Кыргызстандагы биринчи ГЭСтердин бири болуп саналат. 1928-жылы негизделген, анын кубаттуулугу 0,4 МВт. Кичи ГЭСти иштөө абалында сактоо, туруктуу иштөөнү камсыз кылуу үчүн гана эмес, ошондой эле Кыргызстан энергетикасынын тарыхындагы баалуу мурас катары чоң мааниге ээ.
Google Play
App Store