Кыргыз маданияты орду толгус жоготууга учурады. Адабиятыбыздын Ала-Тоодой аскасы, калкынын кадырлуу, залкар уулу, Кыргыз Республикасынын Баатыры, эл акыны, Токтогул атындагы мамлекеттик сыйлыктын лауреаты Сооронбай Жусуев 2016-жылдын 4-февраль күнү 90 жаш курагында, узакка созулган оорудан каза болду. Акын, котормочу Ата-Мекендик Согуштун ардагери Сооронбай Жусуев кыргыз адабият айдыңында акындардын зор мектебин түзгөн залкар. Ал чыгармачылык чыйырдагы ар бир инсанга чын пейилден ак батасын берген айкөл эле дешет замандаштары, калемдештери.
Google Play
App Store