Мурдагы «Нарын эт комбинаты» ишканасынын 114 миллион сомдон ашык 4 гектар жери мамлекетке кайтарылды. Бул тууралуу УКМКнын басма сөз кызматы бүгүн, 3-октябрда маалымдады.
Маалыматка караганда, Нарын шаарынын мэриясынын балансына кайтарылган ишкананын болжолдуу баасы 114 млн. 500 миң сомду түзөт. 1999 жана 2000-жылдары «Нарын эт комбинаты» мамлекеттик акционердик коомунун кыймылсыз объекттери Б.И.Б жараны тарабынан өлкөнүн мыйзамдарынын талаптарын бузуу менен төмөндөтүлгөн баалар боюнча жеке менчикке чыгарылган. 2002-жылы Нарын шаардык башкармалыгы тарабынан бул жаранга Нарын эт комбинатынын жер участогуна ээлик кылуу укугу бекитилген.
Учурда аталган аймакта эки өнөр жай ишканасын (завод) куруу боюнча долбоорлорду ишке ашыруу пландаштырылууда
Google Play
App Store