Мамлекеттик мүлктү башкаруу боюнча агенттиктин өлкө казынасына салган кирешеси акыркы төрт жылда дээрилик 10 эсеге көбөйдү. Бул тууралуу аталган мекеменин стратегиялык өнүктүрүү башкармалыгынын жетекчиси Максат Жоробеков 9-октябрда “Биринчи радионун” түз эфиринде билдирди.
Анын айтымында, агенттиктин 2020-жылдагы кирешеси 2,8 млрд., 2023-жылы 23,8 млрд. болсо, соңку 9 айда эле 30,5 млрд сомду түздү. Мындай көрсөткүч мүлктү туура жана максаттуу башкаруу боюнча реформанын алкагында жетишилген.
Мамлекеттик мүлктү башкаруу боюнча агенттик буга чейин фонд катары иштеп келсе, 2023-жылы өлкө башчынын жарлыгы менен Министрлер кабинетине караштуу агенттик болуп кайра түзүлгөн.
Google Play
App Store