Учурда өлкө аймагында 45 жаңы объекттин ачылыш аземи жүрүп жатат. Алардын ачылышына Минкаб төрагасы Акылбек Жапаров онлайн байланышта старт берди. 

45 объекттин 25и Баткен облусунда ачылды. Алар: 4 административдик имарат, 4 кызматтык турак үй, 3 тигүүчү цех, 3 эс алуучу парк, 3 спорт зал, 2 мектеп, 2 бала бакча, 2 логистикалык борбор, 1 лаборатория, 1 ишкана. 

Ош облусунда 10 объект ачылды: 3 өнөр жай, 7 социалдык объект. Алардын ичинде: 3 балдар бакчасы, 2 мектеп, 2 үй-бүлөлүк дарыгерлер борбору, 2 тигүүчү цех жана 1 көмүрдү кайра иштетүүчү ишкана. 

Ысык-Көл облусу боюнча 4 объект: Лесное айылындагы (Теплоключенка) кичи ГЭС, Жаңы-Арык айылындагы курулуш материалдарын чыгаруучу ишкана, Балыкчы шаарындагы саркынды сууларды тазалоочу жайдын курулушу жана Түп айылындагы райондук жалпы дарыгердик практика борбору. 

Нарын облусунда 3 объект: Төш-Булак, Орук-Там, Ак-Кыя жана Орто-Саз, Жаңы-Жол айылдарындагы таза суу системасы. Эчки-Башы айылындагы ФАП. 

Жалал-Абад облусунда 2 обьект: Жазгак айылындагы № 34 Жазгак жалпы билим берүүчү мектебинин спорт залы жана Арстанбап айылындагы №50 мектепке чейинки билим берүү уюму. 

Талас облусунда 1 объект: Акназаров айыл аймагындагы Кызыл-Жар жана Жалпак-Тил каналы.

Министрлер кабинетинин төрагасы Акылбек Жапаров бул ачылган объектилер Кара-Кыргыз автоном облусунун 100 жылдыгына карата пайдаланууга берилип жаткан 100 объекттин уландысы экенин, республика боюнча курулуп жаткан бардык объекттер өлкө башчынын жетекчилиги астында ишке ашып жатканын билдирди.