Бул тууралуу “Биринчи радионун” түз эфиринде “Бишкек жылуулук тармагы” муниципалдык ишканасынын директорунун орун басары Шаршенбек Сарыкеев билдирди. Анын айтымында, бүгүнкү күнгө чейин эскирген жылуулук тармактарынын 2277 метр тилкеси оңдолуп, 329 даана бекиткич арматура алмаштырылган.
Ошондой эле турак жайларда 22 047метр жылытуу жана ысык суу түтүктөрү алмаштырылып, 6514 даана бекиткич арматура жаңыртылган. Шаршенбек Сарыкеев шаар тургундарын жылытуу мезгилине алдын ала даярданып, жогорку кабаттардагы радиаторлордон абаны чыгаруу үчүн тийиштүү шаймандарды орнотууну же алмаштырууну сунуштайт. Жылуулулукту эффективдүү алуу үчүн эски жана булганган , ичинде ылай топтолгон радиаторлорду тазалоо же алмаштыруу зарыл.
Google Play
App Store