Нарын шаардык жылуулук берүү муниципалдык ишканасы Нарын шаарына жылуулукту 25-октябрда берүү мерчемделип жатканын билдирди.
Ишкана башчысы Мирлан Аманбаевдин айтымында, норма боюнча абанын орточо температурасы үч күн бою +8 градусту көрсөткөндө жылуулук берилиши керек. Учурда бул көрсөткүч +10 градус болуп жатат.
Ишкана быйыл 3 откана салып, жаңы 7 отказан орнотуп, 7 мекемени борбордук жылытуу тутумуна кошту. Ошондой эле бир топ откана, отказандарды кышка даярдап, жалпы 8 миллион 800 миң сомдук капиталдык ремонт иштерин жүргүзүштү. Мекеменин кышка даярдык иштери 98 пайызга аяктап калды.
Аталган мекеме күз-кыш мезгилине 13 миң 394 тонна кара отун керектей турган болсо, анын 7 миң 780 тоннасы тартылып алынган.
Google Play
App Store