Акыркы бир суткада өлкөнүн түндүк жана түштүк аймактарында жер титирегенин Өзгөчө кырдаалдар министрлигинен билдиришти.
Сейсмология институтунун такталган маалыматына ылайык, 29-октябрда саат 18:47де Ош облусунун Алай районунун аймагында, тагыраак айтканда Кара-Киндик айылынан түштүккө карай 7 чакырым, Сопу-Коргон айылынан түштүк-батышка карай 42 чакырым аралыкта очогунда күчү 3,5 баллга жеткен жер титирөө катталган. Жер титирөөнүн күчү Сары-Таш айылында 2 баллга чейин сезилген.
Андан көп өтпөй, 30-октябрда түнкү саат 01:35те өлкөнүн түндүк тарабында - Ысык-Көл районунун аймагында очогунда күчү 3,5 баллга жеткен жер титирөө катталган. Силкинүү очогу Ананьево айылынан түштүк-чыгышка карай 10 чакырым, Каракол шаарынан түндүк-батышка карай 57 чакырым аралыкта жайгашкан. Анын күчү Чоң-Өрүктү, Кароол-Дөбө, Ананьево, Жаркынбаев айылдарында 3 балл, Кичи-Өрүктү, Кожояр-Ата, Көк-Дөбө айылдарында 2,5 баллга жеткен.
Алдын ала маалыматтарга ылайык, жер титирөөдөн жабыркагандар жана кыйроолор катталган жок.
Google Play
App Store