Министрлер кабинетинин төрагасы Акылбек Жапаров бүгүн Бишкек шаарына жакын жайгашкан Орок айылында бир катар объектилердин курулушунун жүрүшүнөн кабар алды.
Анда аквапаркы бар оюн-зоок паркын куруу долбоору менен да таанышты. Парктын жалпы аянты 10 гектарды түзөт. Оюн-зоок паркынын жанында Мамлекеттик ипотекалык компания тарабынан көп кабаттуу турак жай комплекси курулуп, жалпы билим берүү мекемеси менен бала бакчанын курулушу да пландалууда.
Мындан тышкары парктын жанына футболдук стадион курулуп жатат. Минкаб төрагасы Акылбек Жапаров спорттук объекттин курулушун да көрдү.
“Заманбап стадион, жаңы кооз оюн-зоок паркы жана башка инфраструктуралар борбордун көрүнүшүн кооздоп, шаардын жаңы имиджин түзөт”, – деди Акылбек Жапаров.
Текшерүүнүн жыйынтыгы менен тиешелүү мамлекеттик органдарга бир катар тапшырмалар берилди.
Google Play
App Store