Бүгүн Бишкектеги борбордук стадиондо Кыргызстан - Иран футболдук беттеши учурунда күйөрмандар арасында улуттук сыймыктын жана бекемдиктин символу болгон 1000 даана уникалдуу ак калпак ойнотулат.
Кыргыз футбол биримдигинен маалымдашкандай, Кыргызстан - Иран беттеши башталар алдында күйөрмандар үчүн кызыктуу программа тартууланып, көңүл ачуучу оюн-зооктор менен коштолот:
- Балдардын жүзүн бекер боёо;
- Ди-джейден шаңдуу музыка;
- Балдар жана чоңдор үчүн интерактивдүү оюндар жана сынактар;
- Даамдуу тамактар жана бекер ысык чай.
"Бул биздин команданы колдоо үчүн гана эмес, укмуштуудай сыйлыктын ээси болуу мүмкүнчүлүгү! Үй-бүлөңүз жана досторуңуз менен келип, "Ак шумкарлар" менен бирге тарыхтын бир бөлүгү болуңуз", - деп айтылат маалыматта.
Кыргызстан - Иран беттеши борбор калаадагы Дөлөн Өмүрзаков атындагы стадиондо бүгүн, 19-ноябрдын кечинде, саат 20:00дө башталат.
Google Play
App Store