Быйыл Нарын облусунда 45 чакырым жол оңдолот. Бул тууралуу транспорт жана коммуникациялар министри Абсаттар Сыргабаев баштаган министрликтин өкүлдөрү Нарын облусунда III Элдик курултайдын делегаттары менен жолугушууда билдирди.

Анда министр 2025-жылдын планына кирген Нарындагы жолдор боюнча маалымат берди.

"Арал - Миң-Куш  жолунан 22 км, Нарын – Орук – Там  жолунан 5 км, Баетов-Макмал жолунан  5 км, Сары-Булак-Соң-Көл жолунан 3 км, Ак-Талчат - Жогорку-Май жолунан 4 км, Казарман-Акталчат  жолунан 3 км, Ат-Башы - Кында - Торугарт жолунан 3 км асфальт төшөө каралды. Ал эми Нарын-Баетов унаа жолун бүтүрөбүз. Өлкө башчынын койгон талабы дагы ушул", - деди министр Сыргабаев.

Өткөн жылдын декабрь айында Президенттин катышуусунда өткөн III Элдик курултайда нарындык делегаттар тарабынан жол тармагына байланыштуу 40 кайрылуу түшкөн.