Нарын облусунун аймагындагы ашуу белдер жана унаа жолдор жолчулардын көзөмөлүндө.

Жол чарба департаментинин Нарын облустук аймактык бөлүмүнөн кабарлашкандай, жол тейлөө мекемелеринде кезмет уюштурулуп, унаа жолдордун тайгак тилкелеринде кум-шагыл аралашмасы чачылды.

Маалыматка караганда, Бишкек-Нарын-Торугарт унаа жолунун ашуу белдеринде, Долон ашуусунда 1, Оттук капчыгайында 1-2, Кызыл-Бел ашуусунда 1, Чар участкасында 1, Нарын-Орук-Там унаа жолунда 1-2 сантиметрге чейин кар жааган.

Бишкек-Нарын-Торугарт жолундагы Ак-Бейит, Түз-Бел ашууларынын тайгак тилкелерине кум шагыл аралашмасы чачылып, ар бир жол тейлөө ишканаларында кезмет уюштурулган.