Бишкекте милиция күчөтүлгөн тартипке өтүп, коомдук коопсуздукту жана жол кыймылынын коопсуздугун камсыздоо үчүн 4 миң милиция кызматкери тартылып жатканын Бишкек шаардык ички иштер башкы башкармалыгынан билдиришти.
Бул Тажикстандын президенти Эмомали Рахмондун 12-13-март күндөрү Бишкекке жасачу мамлекеттик сапарына байланыштуу.
Бул күндөрү ордо калаанын айрым райондорунда маал-маалы менен унаа кыймылына чектөөлөр киргизилип турат.
Бишкек шаардык милициясы шаар тургундарын жана конокторун мындай чектөөлөрдү түшүнүү менен кабыл алууга чакырат жана ыңгайсыздыктар үчүн алдын ала кечирим сурайт.
Google Play
App Store