УКМК башчысынын «Насоновское» алтын кенине катыштыгы бар болушу ыктымал делген «Клооп» жана «Темиров Live» тарабынан мурда жарыяланган макаласына, КР УКМК аталган кендин жалгыз ээси Кыргызстандын жараны Боотаев Азрет Түркменович экенин, ага карата мурда «К.Асанбектин» уюшкан кылмыштуу тобунундагы ишмердүүлүгү боюнча иш козголгондугун маалымдайт.

Тергөө иштеринин жүрүшүндө «Насоновское» кенин мурдагы жеке менчик ээси А.Боотаев, «Консульере Групп» ЖЧК компаниясына жетишилген макулдашуулардын негизинде, кенди иштетүүгө милдеттүү түз инвестициялардын шарттары менен сатканы аныкталган.

Бирок, кийинчерээк «Консульере Групп» ЖЧКсы «Насоновское» кенин сатып алгандан кийин мамлекетке жүктөлгөн милдеттерди аткарбай койгону, ошондой эле жергиликтүү өз алдынча башкаруу органдарынын алдында социалдык милдеттенмелерди өз убагында төлөбөгөндүгү, салык карыздары бар экендиги жана комбинаттын өндүрүшүн өнүктүрүүгө инвестицияларды тартпаганы аныкталган.

Жүргүзүлгөн иш-чаралар комплексинин жыйынтыгы боюнча, 2025-жылдын 12-мартында «Насоновское» кенин иштетүүгө лицензия жокко чыгарылган жана Кыргыз Республикасынын Жаратылыш ресурстары экология жана техникалык көзөмөл министрлиги аркылуу мамлекеттин балансына өткөрүлүп берилген.

Бул контекстте Министрлер Кабинетинин Төрагасынын орун басары — КР УКМК төрагасы генерал-полковник К.К.Ташиевдин «Насоновское» кенин ишкердик субъекттери тарабынан өздөштүрүү жана иштетүү маселелерине эч кандай тиешеси жоктугун жана болбогонун белгилей кетүү керек.

УКМК коомдук пикирди бурмалоого кызыкдар болгон элементтерди таратып жаткан жалган жана чагымчыл маалыматтарга ишенбөөгө чакырат, ошондой эле жалган маалыматты жайылтуу үчүн жарандардын ар-намысына жана кадыр-баркына шек келтирген учурдагы жоопкерчиликти эскертет.