Бүгүн Талас шаарында аутизм менен жабыркаган балдар үчүн атайын борбор ачылды. Борбор “Аутизмди женебиз” деп аталып, аталган илдет менен жабыркаган балдарга даарылануусуна жана балдарды ар тараптан өнүктүрүүгө шарт түзөт. Борбордо аутизм менен жабыркаган балдарды окутуу жана аларды коомго аралаштыруу үчүн бардык шарттар түзүлгөн.

Талас облусунда аутизм менен 300гө жакын бала жабыркайт. Борбордо кесипкөй адистер иш алып барат. Учурда борборго 40 бала кабыл алынды. Алар менен күнүнө 2 саат тажрыйбалуу адисттер жеке иш алып барат.

Аутизм борборунун ачылышына Президенттин Талас облусундагы ыйгарым укуктуу өкүлүнүн орун басары Мира Сейдикеримова катышып, аутизм балдарды камкордукка алган демилгечилерге ыраазычылык билдирди. Аутизм борбору 2-апрель Бүткүл дүйнөлүк аутизм күнүнүн алкагында ачылды.