Облуста жыл башынан бери 22 жол кырсыгы катталып, 3 адамдын өмүрү кыйылган. Жол кырсыктарынын негизги себептери айдоочулардын жолдо жүрүү маданиятын билбегендиги жана жол эрежелерин сактабагандыгы. 

Жол кырсыктарын алдын алуу максатында бүгүн, Талас шаарына Ички иштер министрлигинин Жол кыймылынынын коопсуздугун камсыздоо башкы башкармалыгынын башчысы Жеңишбек Жоробаев келди.

Ага ылайык атайын жыйын өтүп, айрыкча жаш өспүрүмдөр арасындагы жол кырсыктарын азайтуу маселеси талкууланды. Иш чарага Талас шаарында жергиликтүү бийлик өкүлдөрү, билим берүү мекемелеринин кызматкерлери жана Жол чарба кызматкерлери катышты. Анда жол кырсыктарын азайтуу, анын ичинде өспүрүмдөрдүн катышуусундагы жол кырсыктарын азайтуу маселеси талкууланды. Жолугушуунун алкагында атайын видео тасмалар көрсөтүлдү.

Талас облусунда өткөн жылы 135 жол кырсыгы катталып, анын кесепетинен 25 адамдын өмүрү кыйылган. Талас облусунун аймагында жол кырсыктарына алып келүүчү жол белгилери, жол жээктериндеги тосмолорду оңдоп түзөө, ошондой эле жолдордун абалын жакшыртуу зарылдыгы бар экендиги да айтылды.

Жолугушуунун алкагында билим берүү мекемелеринин кызматкерлерине балдар үчүн коопсуздукту сактоо максатында караңгыда күйүүчү каражаттар тапрылды.