Чүй облусунун Ысык-Ата районундагы Дмитриевка айылында Ысык-Ата дарыясына түшүп кеткен 6 жаштагы баланын сөөгү табылып, ИИМ кызматкерлерине өткөрүлүп берилгенин ӨКМ билдирди.
9-апрелде 2019-жылы туулган жаш бала дарыяга түшүп кеткендиги тууралуу маалымат түшкөн. Жерине куткаруу иштерин жүргүзүүгө Ысык-Ата райондук №27 өрт-куткаруу бөлүгүнөн 4 куткаруучу, координациялоо иштерин жүргүзүүгө Ысык-Ата РМАнын башчысынын орун басары тартылган.
Андан тышкары ӨКМдин Ысык-Ата райондук өзгөчө кырдаалдар бөлүмүнөн 8 куткаруучу, ИИМден 70 кызматкер, айыл аймактан 9 адам, жергиликтүү тургундардан 130 адам, жалпы 217 адам тартылган.
Бүгүн саат 08:30га карата 24 куткаруучу, ИИМден 75 кызматкер, айыл аймактан 13 адам, жергиликтүү тургундардан 50 адам, жалпы 162 адам тартылган. Көп өтпөй баланын сөөгү табылып, милицияга өткөрүлүп берилди.
Google Play
App Store