Өзбекстанда өткөн президенттик шайлоодо Шавкат Мирзиёев жеңишке жетти. Мындай маалыматты Өзбекстандын Борбордук шайлоо комиссиясы билдирди.
Маалыматтарга караганда, Мирзиёевго шайлоочулардын 88 пайыздан ашыгы добуш берген.
Боршайкомдун төрагасы Мирза-Улукбек Абдусаламов такталган тизмедеги шайлоочулардын 90 пайызы добуш берүүгө катышканын кошумчалады.
Эскерте кетсек, 2003-жылдан бери Өзбекстандын өкмөтүн башкарып келген Мирзиёев Ислам Каримов көз жумгандан кийин мамлекет башчынын милдетин да аткарып калган.
Ал Либерал демократиялык партиядан талапкер болгон.
Google Play
App Store