Залкар окумуштуу, сөздүктүн атасы, кыргыз мамлекетин түптөөдөн тартып, тил илими, кыргыз басма сөзүн алгачкы түптөөчүлөрдүн бири, академик Кусейин Карасаевдин 115 жылдыгына арналган: “Кусейин Карасаев 20-калымдын Махмуд Кашкариси” аттуу эл аралык илимий-практикалык конференция Махмуд Кашкари-Барскани атындагы чыгыш университетинде өттү.
Тилчи окумуштуу 17 тил билген, кыргыз, орус жана араб тилин мыкты жазып, сүйлөй билген. Кусейин Карасаев 1901-жылы Түптүн Токтоян айылында туулуп, бала кезинде айылдык молдолордон арабча сабаты жоюлуп, кийин 1923-жылы Ташкентте кыргыз-казак агартуу институтуна кирип, студент чагында, кыргыз тилинде тунгуч “Эркин–Тоо” гезитин чыгарууга катышкан. Ал 1998-жылы 31-январда, 97 жаш курагында дүйнөдөн кайткан. Бул өмүрүндө 40 жыл бою куугунтукка алынып, КГБнын көзөмөлүндө турган кезде өз үйүндө бала-чакасы менен кыргыз тилинде сүйлөөго тыюу салынган учурду кызы Алтынай Карасаева эскерди.
Зинакан Кайыпова, "Биринчи радио"
Google Play
App Store