Иран Ислам Республикасынын Президенти Хасан Роуханинин Кыргызстанга болгон расмий иш сапары соңуна чыкты. Бүгүн эки өлкөнүн лидерлери мамлекеттик “Ала-Арча” резиденциясында жолугушуп, тар чөйрөдө жана кеңейтилген курамда жыйын өткөрүштү.
Анда эки өлкө ортосундагы саясий, экономикалык жана маданият, туризм жаатындагы маселелер талкууланып, анын ичинен терроризмге каршы күрөш, энергетикалык долбоорлор жана Кыргызстан-Кытай-Өзбекстан жана Перс булуңуна чейинки темир жол курулушуна басым жасалды.
Жалпысынан жети документке кол коюлду. Мындан тышкары Алмазбек Атамбаев менен Хасан Роухани жалпыга маалымдоо каражаттары үчүн билдирүү жасашты.
Google Play
App Store