Жаңы жыл алдында “Манас” эл аралык аба майданы өзүнүн үч миллионунчу жүргүнчүсүнө кызмат көрсөттү. Бактылуу билеттин ээси Бишкек-Стамбул каттамы менен учуп бараткан Медина Кенжебаева болду.
3 миллионунчу жүргүнчү Медина Кенжебаева болду. Эки баланын апасы Медина Түркияда иштейт. Аны Стамбулга үй-бүлөсү узатып келишкен. Мындай жагымдуу кабарды уккан жүргүнчүнүн кубанычы койнуна батпай турат.
“Манас” эл аралык аба майданы өзүнүн 3 миллионунчу жүргүнчүсүнө эстелик белектерин тапшырды. Бишкек-Стамбул-Бишкек каттамы боюнча бизнес-класстан билет, жүктү 10 жолу акысыз таңгактоого жана VIP-залдын кызматынан акысыз пайдаланууга сертификат берилди. Түрдүү сувенирлер да тапшырылды.
Мындай акцияларды “Манас” эл аралык аба майданы жыл сайын уюштуруп келет.
Google Play
App Store