Мамлекеттик деңгээлде көтөрүлгөн олуттуу чакырыкка-иш аракетибиз, аң-сезимге таасир этүү кадамдарыбыз менен жооп берүүгө тийишпиз. Философиялык жактан алып караганда ыйман элибиздин түпкү тамыры болсо, жашыл бариктери жаштар, жаңылануу.
Ошондуктан келечек муундарга адепти туу туткан каада салттарыбызды үйрөтүп- заман талабына жараша билим берүү зарыл. Мындай үн кошуулар белгилүүинсандар, аймактын жашоочулары тарабынан айтылууда.
Жарлыкта мамлекеттин өзгөчө күч-аракети балдар менен жаштарга багытталууга тийиш экендиги көрсөтүлгөн.
Калкыбыздын жарымынан көбүн 25 жашка чейинкилер түзөрү келтирилип, Кыргызстандын ийгиликтүү өнүгүшү үчүн жарандарыбызды, жаштарыбызды адептүү жана ыймандуу, терең билимдүү, башка ой-пикирлер менен көз караштарга сабырдуу болуп тарбиялоого жана өзэлинин тарыхы менен маданиятын билүүгө тийиш экендиги белгиленген.
Назира Молдокулова, "Биринчи радио"
Google Play
App Store