Санарип технологиясынын өнүгүшү адамдын жашоо образын түп тамырынан өзгөртөөрү анык болуп калды. Мамлекеттик башкарууну сапаттык баскычка көтөрүү, ишкер чөйрөсүн заманбап өнүктүрүү, кызмат көрсөтүүлөрдөгү сапаттык өсүш-мына ушунун бары санарип саясатына тыгыз байланышкан. 21-кылымда адам баласын өнүккөн технологиясыз элестетүү мүмкүн эмес. 

Санариптештирүү саясаты турмуштагы күнүмдүк-тиричилик маселесинен тартып мамлекеттердин өнүгүү багыттарын да аныктап келет. Кыргызстанда санарип технологиясынын бардык тармактарга кирип жатышы көп тармактарда чырмооктой чырмалышып калган коррупцияны ооздуктоого жакындан жардам берет деген үмүттөр бар.