Кыргызстанда акыркы эки күндө коронавирус жуктурган эки бейтап каза болду. 12 адамдын абалы оор, анын ичинен төрт киши жандандыруу бөлүмүндө. Ал эми, 25-майга карата коронавирус жуккан жаңы 30 учур катталды. Анын 12си сырттан келгендер. Россиядан келген 11 адамдан жана Өзбекстандан келген 1 адамдан вирус твабылган.POST1RIGHT

Бул тууралуу саламаттык сактоо министринин орун басары Нурболот Үсөнбаев билдирди. Ошентип, коронавирус жуктуруп алгандардын жалпы саны өлкө боюнча 1 миң 433 адамга жетти. Аймактар боюнча алганда Бишкек шаарында 9 учур, Чуй облусунда 1, Нарын облусунда 5, Ош шаарында 3, Ош облусунда 1, Жалал-Абад облусунда 2 жана Баткен облусунда бир жаңы учур катталды. 

Вируска кабылгандардын арасында 5 медициналык кызматкер бар. Ал эми бейтапкандан 1 медкызматкер сакайып чыкты. Жалпысынан республика боюнча COVID-19 диагнозу менен медициналык кызматкерлер арасында 280 учур катталды. Учурда обсервацияда 2 миң 307 адам жатат. Коронавирус жуккандар менен жакын байланышта болгондордун саны 6 миң 841 адам.