Өлкөдө экономикалык ишмердүүлүктү жандантуунун үчүнчү этабы башталып, анын алкагында ири базарлар, 50 орундан ашпаган тамактануучу жайлар, театр, музей, китепканалар жана соода борборлору иштеп баштаган. Бүгүн алардын ишмердүүлүгүнө санитардык-эпидемологиялык көзөмөлдөө борборунун адистери рейд уюштуруп, эрежелердин так сакталышына көңүл бурду. Жыйынтыгында айрым ишканаларда санитардык талаптарды сактабай жатканы аныкталды.