COVID-19 лабораториялык тастыкталган оорулуулар менен байланышта болгон жактардын саны – 7 905 (байланышта болгондордун саны эпидемиологиялык изилдөөлөрдүн жүрүшүндө өзгөрүшү ыктымал).

Кыргызстан боюнча обсервацияда 1 953 адам жатат.

2020-жылдын 4-июнуна карата Кыргызстанда COVID-19 вирусун жуктуруу жалпысынан 1 899 учурга жетти.
 Стационарда – 587, алардын ичинен реанимацияда – 3;
 Ооруканадан чыгарылды – 1292;
 Каза тапты – 20;

“Бүгүнкү күндө COVID-19 вирусунун жаңы 28 учуру катталды. Алардын бири четтен келген жарандан табылса, 20сы медициналык көзөмөлдө тургандардан аныкталды. Ал эми, калган 7 учурдун жугузуп алган булагы табыла элек”, - Саламаттык сактоо министринин орун басары Н.Усенбаев.