150 орундуу күндүзгү стационарда күнүнө 900дөй бейтап медициналык жардам алууда. Ушул жерде ак халатчан алтымыштай кызматкер шаар тургундарынын саламаттыгына кам көрүп жатышат. Дарылоо саналуу күндө натыйжа бере баштады.

Бейтаптар келип-кетип дарыланып жаткан жайларга дезинфекциялоочу тоннель, электрондук кезекти камсыз кылган жабдуулар орнотулган. Бул жагынан ишкерлер, маселеге кайдыгер карабаган жарандар жардам берүүдө. Жүздөгөн керебеттерди болсо Өзгөчө кырдаалдар министрлиги берген.