Америкалык Мэриленд штатынын COVID-19га каршы эмделген тургундары лотереядан 40 миңден 400 миң долларга чейин утуп алууга мүмкүнчүлүк алышат. Бул тууралуу губернатор Ларри Хоган билдирди.  

"Мэриленддин жашоочуларын COVID-19 эмдөөсүнө чакыруу үчүн, Мэриленд Лотереясы күнүнө бир эмделген адамга 25-майдан 3-июлга чейин күн сайын 40 000 доллар сыйлык берет. Ал эми 4-июлда (АКШнын Эгемендүүлүк күнү) акыркы утуш болуп өтөт, анын жүрүшүндө бир эмделген адамга 400 миң доллар сыйлык берилет », - деп айтылат губернатордун сайтындагы билдирүүдө.

Мамлекеттик саламаттыкты сактоо департаменти 18 жаштан жогору эмделгендердин ар бирине кокустук номерди ыйгарат, андан кийин кокустук сандардын генератору жеңүүчүнү тандайт.