22-февралда Италиянын Верона шаарындагы тарыхый Рим  амфитеатрында XXV Кышкы Олимпиада оюндарынын жабылуу аземи өтүп, оюндар расмий жыйынтыкталды.

Салтанат «Иш жүзүндөгү сулуулук» аталышындагы шоу-программа менен коштолду. Жабылуу аземинде делегациялардын парады өтүп, Италиянын жана Олимпиаданын желектери көтөрүлдү.

Бул Олимпиаданын өзгөчөлүгү — тарыхта биринчи жолу Олимпиадалык эки от бир убакта эки шаарда: Милан менен Кортина-д’Ампеццодо өчүрүлдү.

Ошентип, Милан – Кортина-2026 Кышкы Олимпиадасы расмий түрдө аяктады.