Иранда соңку апталарда селден жалпысынан 76 адамдын өмүрү кыйылып, чыгым 2,2 миллиард доллардан ашты. Бул тууралуу өлкө бийлиги тараткан расмий маалыматта айтылат. 

Адатта кургакчыл келген түндүк-чыгыш провинцияларында нөшөрлөп жааган жаан 19-марттан бери жүздөгөн адамдарды үй-жайын таштап кетүүгө мажбур кылды. Сел суусу имараттарга, жолдорго, инфратүзүмгө жана айыл чарба тармагына залакасын тийгизди. Жалпы өлкө боюнча 31 провинциянын 25и жабыркады. Бул 4 миң 400 айыл деп билдирди ички иштер министрлиги.