“Элден элге бекер нан” кайрымдуулук акциясы уланууда. Бул акция Жазаларды аткаруу мамлекеттик кызматынын колдоосу менен демилгелүү жарандар тарабынан уюштурулган. Борбор калаанын чет жакасындагы конуштарда жашаган, аз камсыз болгон үй-бүлөлөргө жардам көрсөтүлүүдө. Ал эми нан азыктары Бишкек шаарындагы №47, №2 жана Чүй облусундагы Ново-Покровка айылындагы №3 Жазаларды аткаруу мамлекеттик кызматынын абак жайларындагы набайканалар тарабынан жасалууда. “Элден элге бекер нан” акциясынын уюштуруучулары билдиргендей, бир эле наабайканадан күнүгө 600 чукул нан таратылууда.