Жалал-Абад облусунун Аксы районундагы Үч-Коргон айыл аймагынын Кум айылында Нарын дарыясына түшүп кеткен жаш баланын сөөгүн издөө улантылууда. 

Бүгүн, 9-апрелде Аксы райондук №30 өрт-куткаруу бөлүгүнөн 12 куткаруучу 1 кайык, КР ӨКМдин Республикалык өзүнчө куткаруу отрядынан 5 куткаруучу (суучулдар) 1 кайык, КР ИИМден 3 кызматкер, Чек ара кызматынан 10 адам, жергиликтүү тургундардан 10 адам, жалпы 40 адам, 2 кайык тартылды. 

Эске салсак, 2026-жылдын 5-апрелинде 2018-жылы туулган К.И. аттуу жаш бала Нарын дарыясына түшүп кеткендиги тууралуу маалымат түшкөн убакыттан бери издөө иши үзгүлтүксүз улантылууда.