Мамлекеттик салык кызматынын Бишкек шаары боюнча башкармалыгы жоюлду. Тиешелүү буйрукка МСКнын төрагасы Замирбек Осмонов кол койду. 

Маалыматтарга караганда, борбордук башкармалыкты кыскартууга - реформанын талабына ылайык иш жүргүзүү, салык органдарынын кайталанма функцияларын жокко чыгаруу, башкаруунун “район-борбор” болгон эки деңгээлдеги тутумуна өтүү негиз болду. 

Мурдагы Бишкек башкармалыгынын кызматкерлери эми борбордун башка райондорунда ишке орноштурулат.