Республикада 18 жашка толгон уландарды аскерге чакыруунун күзгү этабы башталды. Бүгүн биринчи топто Чүй облусунан жана Бишкек шаарынан чогулган 50 жигит Каракол шаарындагы №28 аскер бөлүмүнө жиберилди. 

Жылдагыдан айырмаланып быйыл болочок жоокерлер медициналык текшерүү менен катар ПЧР анализин тапшырышкан. Пандемиялык шартка байланыштуу ата-энелер жоокерлерди узатуу салтанатына катышкан жок. Күзгү аскерге чакыруу сентябрдан ноябрга чейин 3 айга созулат. Эскерте кетсек республикада 18 жашка толгон уландар жылына эки ирет, жаз жана күз мезгилинде аскер кызматына чакырылат.