Улуттук коопсуздук комитети тарабынан кармалган Бишкек мэринин мурдагы орун басары Мирлан Амантуров эки айга камакка алынды. Бул тууралуу Биринчи май райондук сотунун маалымат катчысы Айзада Момунова билдирди. 

Айтымында, 2020-жылдын 31-декабрында райондук соттун судьясы чыгарган чечимге ылайык, Мирлан Амантуров 2021-жылдын 28-февралына чейин УКМКнын тергөө абагында болот. Ал 29-декабрда ишенип берилген мүлктү менчиктеп, максатсыз колдонууга шектелип кармалган.