Кыргызстандын мамлекеттик карызын тейлөөгө 2021-2023-жылдары 123 миллиард сомдон ашуун каражат жумшоо пландалып жатат. Бул тууралуу өлкөнүн учурдагы жана 2022–2023-жылдарга карата болжолдуу бекитилген бюджетинде айтылат.

Өткөн жылдын аягында мамлекеттик карыздын көлөмү 5 миллиард долларга чукулдаган. Анын 4 миллиард 200 миллиону тышкы карыз. 2020-жылы мамлекет бересесин төлөө үчүн 31 миллиард сом жумшаган. 

"Мамлекеттик карызды тейлөө үчүн 2021-жылы 37 миллиард 266 миллион сом, 2022-жылы 38 миллиард 863 миллион сом, 2023-жылы 47 миллиард 12 миллион сом жумшоо пландалып жатат", — деп айтылат документте.