Таластагы Капар Медетбеков атындагы музыкалык драма театрына аппаратураларды алууда кызмат абалынан кыянаттык менен пайдалануу фактысы аныкталганын УКМК билдирди. 

Ыкчам-тергөө учурунда музыкалык шаймандардын баасы 10 миллион сомдон ашыкча көрсөтүлгөнү аныкталды. Такталгандай, мамлекеттик сатып алуулар процедурасы аркылуу Талас облусунун капиталдык курулуш башкармалыгынын жана экологиялык-техникалык инспекциянын кызматкерлери жеке компаниялардан 25 миллион сомго музыкалык аппаратураларды сатып алышкан. 

Учурда мыйзамсыз аракеттерге тиешеси бар кызмат адамдарын аныктоо жана келтирилген зыяндын ордун толтуруу боюнча ыкчам-тергөө иш-чаралар жүргүзүлүүдө.