Суу ресурстары, айыл чарба жана кайра иштетүү өнөр жайы министрлигинин маалыматына ылайык, “АгроТехЭкспо–2025” көргөзмөсүнүн алкагында жеңүүчүлөргө бир катар акчалай сыйлыктар ыйгарылат.

Быйылкы иш-чарада 6 номинация боюнча байгелер каралып, алар үчүн атайын байге фонду түзүлгөн.

 “Эң мыкты район” номинациясында:

• 1-орунга — 100 миң сом,
• 2-орунга — 80 миң сом,
• 3-орунга — 50 миң сом берилет.

Жеңүүчүлөр кайра иштетүү, экспортко чыгуу, эл аралык стандарттарды колдонуу сыяктуу критерийлердин негизинде тандалат.

Мындан тышкары, “Алтын күз” азык-түлүк жарманкесинин катышуучулары да сыйлыктар менен сыйланат. Алар үчүн үч номинация боюнча — “Эң мыкты дыйкан”, “Эң мыкты фермер” жана “Эң мыкты экспозиция” — ар бирине 50 миң сомдон акчалай байге ыйгарылат.

Эске салсак, 17–19-октябрда Бишкектеги Турдакун Усубалиев атындагы аянтта Айыл чарба кызматкерлеринин күнүнө карата “АгроТехЭкспо–2025” көргөзмөсү жана “Алтын күз” жарманкеси өтөт.