Кримтөбөл Камчы Көлбаевдин 30 млн долларга бааланган 850 батири мамлекетке кайтарылып, элге ипотекалык негизде бериле баштады. Бул тууралуу бүгүн, 27-ноябрда УКМКнын төрөагасы Камчыбек Ташиев Ысык-Көл облусу боюнча башкармалыгынын Тоң райондук бөлүмчөсүнүн жаңы имаратын ачуу аземинде билдирди.
“Камчы Асанбекке тиешелүү 30 млн долларга бааланган 850 батир мамлекетке кайтарылып, элге ипотекага берилип жатат. Мындан тышкары Чүй облусунда 100дөн ашык объект жана ушул эле жылы 12 миң гектар жер мамлекетке кайтарылган”,-деди генерал Камчыбек Ташиев.
