Кыргызстандык балбан Орозобек Токтомамбетов 74 кг чейинки салмак категориясында Албаниянын Тирана шаарында өтүп жаткан MUHAMET MALO–2026 эл аралык рейтингдик турниринде күмүш медалга ээ болду.

Ал мелдешти 1/8 финалдан баштап, алгач азербайжандык Канан Хейбатовду 3:1 эсебинде жеңди. Чейрек финалда АКШнын өкүлү Куинси Мондейди 5:1 эсебинде утуп, жарым финалга чыкты. 

Жарым финалда грузиялык Георгий Элбакидзе менен күрөшүп, 2:0 эсебинде жеңишке жетип, финалга жолдомо алды.

Финалдык беттеште Токтомамбетов ирандык Йонес Алиакбар Эмамиге 0:5 эсебинде утулуп, мелдешти күмүш медаль менен жыйынтыктады.