2026-жылы өтө турган футбол боюнча дүйнө чемпионаты тарыхта биринчи жолу үч өлкөдө - АКШ, Канада жана Мексика аймагында уюштурулат. Эл аралык футбол майрамы жалпысынан 16 шаарда өтүп, күйөрмандарга унутулгус атмосфера тартуулайт.

Дал ушул ири мелдешке карата УТРК көрүүчүлөргө атайын даректүү тасмалар топтомун сунуштайт. “ФИФА 2026 – Шаарлар баяны” аттуу циклде чемпионат өтө турчуу шаарлардын тарыхы, маданияты жана өзгөчөлүктөрү баяндалат.

Тасмалар  4-майдан 3-июнга чейин ар дүйшөмбү, шаршемби жана жума күндөрү саат 11:10до УТРК каналынан көрсөтүлөт. Ар бир чыгарылыш белгилүү бир шаарга арналат.  Футболдун чордону боло турган 16 шаарга УТРК менен бирге саякаттаңыз! 

• 4-май - "Шаарлар баяны: Мехико”
 • 6-май - "Шаарлар баяны: Майами”
 • 8-май - "Шаарлар баяны: Ванкувер”
 • 11-май - "Шаарлар баяны:Бостон”
 • 13-май - "Шаарлар баяны: Сиэтл"
 • 15-май - "Шаарлар баяны: Лос-Анжелес”
 • 18-май - "Шаарлар баяны: Канзас-Сити”
 • 20-май - "Шаарлар баяны: Филадельфия”
 • 22-май - "Шаарлар баяны: Гвадалахара”
 • 25-май - "Шаарлар баяны: Хьюстон”
 • 27-май - "Шаарлар баяны: Торонто”
 • 29-май - "Шаарлар баяны: Атланта”
 • 1-июнь - "Шаарлар баяны: Монтеррей” 
 • 3-июнь - "Шаарлар баяны: Сан-Франциско”

Белгилей кетсек, FIFA World Cup 2026 11-июнда башталып, 19-июлда жыйынтыкталат. Бул жолку турнирге дүйнөнүн 48 курама командасы катышып, футбол тарыхындагы эң ири мелдештердин бири болору күтүлүүдө.

Көрүүчүлөрдү алдыда чоң футбол майрамы жана кызыктуу телекөрсөтүүлөр күтөт. Андыктан УТРК менен бирге болуңуз!