Ар бир жаран конституциялык милдетин аткарып, шайлоого катышып, өлкө тагдырын аныктоого салым кошо турган татыктуу талапкерге добушун бериши зарыл. Бул тууралуу БШКнын мүчөсү Сүйүнбек Касмамбетов УТРКнын түз эфиринде билдирди.

– Бүгүнкү күн улут үчүн улуу күн. Бүгүн барыбыз жабылып, түрүлүп келип шайлоо участокторунда келечектеги 5 жылга улуттун мыктыларын, чыгаандарын шайлап алабыз. 5 жылда биздин өсуп жаткан, алга умтулуп  жаткан эң маанилүү учурда бүт улутубуз, элибиз өзүнүн шалоосун өткөрүш керек. Бул – өтө маанилүү. Эң негизгиси барыңыздар активдүү катышып, шайлоо участогуна келип беришиңиздерди өтүнөбүз. Анткени, эл тагдыры – улут тагдыры. Тагдырды тайгылтпай таалайлуу жолго алып баруу үчүн, биз келечекте журт үчүн ичинен суурулуп чыккан мыкты азаматтарыбызды, кыздарыбызды шайлаганы турабыз. Бул биз үчүн абдан маанилүү”,-деди Касмамбетов.