Бишкек убактысы боюнча саат 20:00дө Японияда, Кореяда, Кытайда жана Орусиянын айрым шаарларында жайгашкан Кыргыз Республикасынын чет өлкөлөрдөгү 22 шайлоо тилкелеринде добуш берүү аяктады.

Ошол эле учурда өлкө аймагынан тышкары жайгашкан дагы 77 тилкеде шайлоо уланып жатат. Бул участоктор Россия, Түркия, Бириккен Араб Эмираттары, Сауд Арабиясы, Египет, Улуу Британия, Венгрия, Германия, Австрия, Чехия, Словакия, Италия, Бельгия, Швейцария, Франция жана башка мамлекеттерде ачылган.

Бишкек убактысы боюнча саат 19:00дөн тарта АКШда 5 шайлоо участогу ачылды, анын ичинде Филадельфия, Чикаго, Вашингтон, Нью-Йорк шаарлары бар.

20:00гө карата добуш берүүгө катышкан Кыргыз Республикасынын жарандарынын саны 21986 адамды түздү.

Эске сала кетсек, жалпысынан чет өлкөлөрдө 34 мамлекеттин 89 шаарында 100 шайлоо участогу ачылган. Сааттык айырмачылыктарга байланыштуу айрым чет өлкөлүк тилкелерде добуш берүү убактысы кечирээк жыйынтыкталат.

Акыркы болуп добуш берүү процесси АКШнын Сан-Франциско шаарында жайгашкан шайлоо участогунда 1-декабрда, Бишкек убактысы боюнча саат 10:00дө аяктайт.