Саат кечки 20:00дө Кыргызстан менен Батыш өлкөлөрүндө Жогорку Кеңештин мөөнөтүнөн мурда шайлоо аяктады. Бул тууралуу БШКнын төрагасы Тынчтыкбек Шайназаров билдирди.

Анын айтымында, 20:00гө карата Кыргызстанда жана Батыш өлкөлөрүндө шайлоо тилкелери жабылды. Ушул убакыттан баштап автоматташтырылган эсептөө урналар аркылуу БШКнын борбордук серверине маалыматтар түшө баштады.

Шайлоо башталган күндөн тартып, БШКга 269 кайрылуу келип түштү.

Алардын ичинен:

• шайлоо алдындагы үгүт иштеринин шарттарын бузуу –  124 кайрылуу;
• талапкерлердин ар-намысына шек келтиргендер – 37 кайрылуу;
• административдик ресурстарды кыянаттык менен пайдалануу – 8 кайрылуу;
• шайлоочулардын добушун сатып алуу – 46 кайрылуу;
• башка укук бузуулар – 54 кайрылуу түшкөн.

Бүгүн, 30-ноябрда мыйзам бузуучулук боюнча жалпысынан 67 кайрылуу келип түштү.

Алардын ичинен:

• үгүт жүргүзүү шарттарын бузган – 28;
• шайлоочулардын добушун сатып алуу аракети – 18;
• техникалык бузуулар – 4;
• башка укук бузуулар – 17 кайрылуу келип түшкөн.