Ак-Суу районунда бүгүнкү шайлоо процессинин жүрүшү өз нугунда өтүп жатат. Райондогу жалпы 46 миң шайлоочунун арасынан 16:00 чейин 13 миңге жакын жаран добушун берүүгө жетишкен. Район аймагында жайгашкан 39 шайлоо тилкесинде добуш берүү иштери уланууда.

Шайлоо участокторуна орнотулган жабдыктар жана техникалык система алдын ала тесттик режимде текшерилип, бардык механизмдер талапка ылайык иштеп жатканы кабарланууда. Учурда эч кандай техникалык мүчүлүштүк же бузулуу катталбаганы белгилүү болду.

Жергиликтүү бийлик жана шайлоо комиссиялары шайлоо ачык-айкын жана коопсуз өтүшүн камсыздоо үчүн тиешелүү иштерди улантууда.