Шайлоо-2025: Нарындагы эки округда шайлоо тынч өтүүдө
Новость

Нарында №29 жана №30 округдарда шайлоо өнөктүгү тынч өтүүдө.

№29 шайлоо округунда 137 миң 758 шайлоочу бар. Бул тилкеде саат 14:00го карата алардын 34 миң 996сы добуш берип, бул көрсөткүч жалпы шайлоочулардын 25 пайызын түздү. 

Курамына Кочкор, Жумгал, Тогуз-Торо райондору жана  Балыкчы шаары кирген округда шайлоо тынч өтүп жатат. Мыйзам бузуулар катталган жок. 

Ал эми №30 шайлоо округунда саат 16:00гө карата 43 миң 461 шайлоочу добуш берди. Бул жалпы шайлоочулардын 32,7 пайызын түзөт. 

№30 округдук шайлоо комиссиясынын төрагасы Абасбек Исмаилов мурдагы шайлоолорго салыштырмалуу элдин келиши активдүү болууда. Мыйзам бузуулар да катталган жок.

Курамына Ат-Башы, Ак-Талаа, Нарын райондору жана Нарын шаары кирген №30 шайлоо округунда жалпы 136 миң 461 шайлоочу бар.