Бишкек убактысы боюнча саат 16:00гө карата Кыргызстандын 14 миң 281 жараны чет өлкөлөрдө добуш берүүгө катышты.

Учурда өлкө аймагынан тышкары дүйнөнүн ар мамлекеттерде жайгашкан 89 шайлоо тилкесинде добуш берүү уланып жатат. Аталган тилкелер Россия, Түркия, БАЭ, Сауд Арабиясы, Улуу Британия, Венгрия, Германия, Австрия, Чехия, Словакия, Италия, Бельгия, Швейцария, Франция жана башка өлкөлөрдө ачылган.

Россия Федерациясынын Петропавловск-Камчатский, Түштүк-Сахалинск, Владивосток жана Хабаровск шаарларындагы шайлоо участоктору добуш берүүнү жыйынтыктады.