Тышкы иштер министринин орун басары Алмаз Имангазиев билдиргендей, чет өлкөдө шайлоого жарандар активдуу катышууда. Азыркы шайлоодо шайлоо тилкелери мурдагы шайлоого караганда эки эсеге көбөйгөн. 

2021-жылы чет өлкөлөрдөгү шайлоо тилкелери 59 болсо, учурда 100гө жеткен. Өзгөчө, Россия Федерациясында жарым миллиондон ашык мекендештер бар болгондуктан, 31 шаарында шайлоо участкалары ачылган. Аралыктан добуш берүү же шайлоо тилкесинен добуш берүүгө мүмкүндүк берген заманбап технологиялар бул – Кыргызстан үчүн жаны тажрыйба экенин шайлоого байкоо салган эл аралык байкоочулар белгилешти. 

Жогорку Кеңештин депутаттарын мөөнөтүнөн мурда шайлоого байкоо салуу үчүн 58 мамлекеттен 788 эл аралык байкоочу келген.