Германияда иш менен жүргөн кыргыз жарандары аралыктан добуш берүүдө. Бул тууралуу Кыргызстандын Германиядагы элчиси Өмүрбек Текебаев билдирди. 

Анын айтымында, Берлинде ачылган шайлоо тилкелеринде биринчи 6 саатта 60 жаран добушун берген. Бул көрсөткүч өткөн шайлоо өнөктүгүнө салыштырмалуу жогору. Шайлоого катышып добуш берүүгө реалдуу шарттар түзүлгөн. Учурда Берлинде иш сапары менен жүргөн кыргыз жарандары дагы аралыктан добуштарын бере алды.  

Мындан тышкары Варшавада быйыл биринчи жолу шайлоо тилкеси ачылган. Ушул сааттарга карата Варшавада, Франкфуртта 50дөй адам шайлоого катышты. Германияда учурда 20 миңге жакын кыргыз жараны жашайт. Тилеке каршы баарынын шайлоого катышууга мүмкүнчүлүгү жок. Бирок, 30-ноябрдагы Жогорку Кеңештин депутаттарын мөөнөтүнөн мурда шайлоо тууралуу бардыгына алдын ала маалымат берилген.